„Ростуризм“: 1 милион Руси ќе ја посетат Грција годинава

Грција во мај стана лидер по резервации направени од страна на руски граѓани, изјави во средата првиот човек на „Ростуризм“ Олег Сафонов, додавајќи дека бројот на руски туристи во оваа европска земја во 2016 година може да достигне еден милион луѓе.

„Грција, веројатно, ќе стане годинава најпосетувана земја за руските туристи“, изјави Сафонов во поздравниот говор на отворањето на руско-грчкиот туристички форум во Атина, пренесува „Интерфакс“.

u0420u0443u0441u043au0438u043eu0442 u0442u0443u0440u0438u0441u0442u0438u0447u043au0438 u043au043eu043cu043fu0430u0441 u0441u0435 u0432u0440u0442u0438 u043au043eu043d u041cu0430u043au0435u0434u043eu043du0438u0458u0430

Тој истакна дека „веќе во мај таа е лидер по резервации и продажби за летната сезона“.

„Тоа е добра тенденција. Во 2013 година видовме максимален туристички прилив – 1,2 милиони луѓе. За жал, во 2014-2015 година имаше надолен тренд, но, мислам дека годинава порастот на туристичкиот поток ќе биде значителен. Туристичкиот прилив од Русија во Грција на крајот на годината може да достигне еден милион души“, соопшти Сафонов.

Тој исто така потсети дека Русија и Грција ги поврзува илјадагодишна историја во сферата на религијата и историјата.

Сите права ги задржува „Росијскаја Газета“.