„Си-Ен-Ен“ импресионирани од руската војска и оружјето во Сирија

Новинарите имаа само зборови на пофалба за безбедноста и организацијата на превозот на околу сто новинари кои се упатија во руската авиобаза Хмејмим, а потоа и во Палмира. Четири автобуси во кои се наоѓаа новинарите беа обезбедувани на терен од осум оклопни транспортери опремени со тешки митралези, две оклопни возила и два хеликоптери.

u041au043eu0438 u0442u0440u0443u043fu0438 u045cu0435 u043eu0441u0442u0430u043du0430u0442 u0432u043e u0421u0438u0440u0438u0458u0430?

Новинарите нагласија дека во текот на шестчасовното патување во воздухот се менувале хеликоптерите Ми-28 „Ноќен ловец“, Ка-52 „Алигатор“ и модернизираниот  Ми-35.

Телевизиската екипа на „Си-Ен-Ен“ забележува дека воениот логор во базата Хмејмим е „голем, современ и многу добро уреден“. На снимателите им беше дозволено да ги фотографираат руските војници како прават вежби, боксуваат, играат кошарка и одбојка.

Професионализмот на војската и беспрекорната состојба на оружјето покажуваат дека руските вооружени сили се далеку напред во однос на периодот од пред неколку години кога почна модернизацијата, констатира телевизијата. Покрај авионите-ловци, „Си-Ен-Ен“ го истакнува и големиот број разновидни хеликоптери, тенкови, оклопна техника и системи земја-воздух, пренесува „Взљад“.

Сите права ги задржува „Росијскаја Газета“.