Пушков до Пауер: Размислувајте за бомбардирањето болници, а не за Крим

„Осумдесет земји поднесоа во ООН предлог-резолуција против практиката на бомбардирање болници по која се познати САД. Саманта Пауер би требало да размисли за тоа, а не за Крим“, напиша Пушков на својот профил на Твитер.

u041cu043eu0441u043au0432u0430 u0433u043e u043eu0431u0432u0438u043du0438 u0412u0430u0448u0438u043du0433u0442u043eu043d u0437u0430 u043fu043eu0432u0440u0435u0434u0430 u043du0430 u0441u0443u0432u0435u0440u0435u043du0438u0442u0435u0442u043eu0442 u043du0430 u0421u0438u0440u0438u0458u0430

Саманта Пауер претходно изјави дека САД ќе се откажат од санкциите против Русија единствено ако сите одредби од „Минската спогодба“ за регулирање на конфликтот во Украина бидат во целост исполнети. Таа додаде дека американската страна ќе ги остави на сила мерките на ограничување поврзани со Крим, сѐ додека Русија „не се откаже од окупацијата на полуостровот“.

Кога станува збор за нападите врз болници рускиот пратеник потсетува дека предлог-резолуцијата на Советот за безбедност на ООН, разгледуван на 3 мај, е документ со кој се повикува на заштита на хуманитарните работници во текот на вооружени конфликти и се осудуваат нападите врз здравствени установи. САД категорично ја отфрлаат вмешаноста во бомбардирањето цивилни цели, пишува „РИА Новости“.

Минатата недела портпаролот на генералниот секретар на ООН Стефан Дужарик изјави дека е извршен уште еден напад врз болница во Алепо во кој загинаа најмалку 3 лица, а 15 се повредени. Притоа генералниот секретар на САД Џон Кери изјави дека болницата Дабит во Алепо е гранатирана од територија под контрола на сириската опозиција, пишува „Взгљад“.

Сите права ги задржува „Росијскаја Газета“.