Во акцијата „Бесмртниот полк“ се очекува учество на 24 милиони луѓе

Во 2014 година на улица со портрети на војници кои се бореле на фронтовите во текот на 2 Светска војна излегоа жители на 500 градови во седум земји во светот.

Организаторите на проектот „Бесмртниот полк“ очекуваат годинава во акцијата да учествуваат околу 24 милиони луѓе во цела Русија, што ќе биде двојно повеќе од лани. Вакво мислење искажа во програмата на радиото „Зборува Москва“ копретседателот на движењето Николај Земцов.

„Ако зборуваме за чисти бројки, 12 милиони имаше минатата година. Оваа, судејќи по размерот, може да има и двапати повеќе. Во Москва, мислам, ќе има повеќе од милион луѓе“, изјави тој, истакнувајќи дека таквите заклучоци се направени поаѓајќи од бројот на добиените телефонски повици и молби.

Земцов исто така напомена дека годинава настанот ќе биде проследен со музика, и за учесниците ќе биде обезбедена вода за пиење, пренесува ТАСС.


 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња