Путин: Не смее да се дозволи ревизија на историјата

Претседателот на Русија Владимир Путин испрати телеграма со честитки по повод 71-годишнината од Победата во Втората светска војна до шефовите на државите од ЗНД, Абхазија, Јужна Осетија, како и до граѓаните на Грузија и Украина.

Претседателот на Русија Владимир Путин во честитките по повод 71-годишнината од Победата во Втората светска војна до шефовите на државите од ЗНД, Абхазија, Јужна Осетија, како и до граѓаните на Грузија и Украина, потенцираше дека не смее да се дозволи ревизија на историјата и повторување на трагичните настани од минатото, соопшти прес-службата на Кремљ.

„Путин особено истакна дека не смее да се дозволи ревизија на заедничката историја и повторување на трагичните настани од минатото. Наш заеднички долг е грижливо да го чуваме споменот на загинатите во Големата Татковинска војна и на секој начин да се грижиме за сѐ уште живите ветерани“, се вели во соопштението  што го пренесува РИА „Новости“.

Честитката е упатена до лидерите на Азербејџан, Белорусија, Ерменија, Казахстан, Киргизија, Молдавија, Таџикистан, Туркменистан, Узбекистан, Абхазија и Јужна Осетија.

Во телеграмата со честитки на Путин се потенцира дека Денот на Победата е свет празник којшто засекогаш ќе остане симбол на хероизмот и обединетоста на народите кои ја одбранија во крвави битки родната земја и го спасија светот од фашизмот.

Путин изрази увереност дека докажаните за време на „заедничката борба врски на пријателство и братство ќе продолжат и понатаму да служат како основа за доследно зајакнување на билатералните односи“ и да придонесуваат за развој на интегративните процеси на евроазиските простори.

Исто така, претседателот на РФ искажа зборови на благодарност до сите ветерани на војната и трудбеници од позадината и им посака многу здравје и долговечност. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња