Русите го оценија работењето на Путин за изминатата година

За мнозинството Руси (69%) работењето на рускиот претседател одговара на нивните очекувања.

Русите, оценувајќи ја работата на претседателот на РФ Владимир Путин за изминатата година, позитивно се изјаснија за активностите на РФ на меѓународната сцена, цврстиот политички став на земјата и операцијата во Сирија. Ова се резултатите од анкетата на Фондот „Јавно Мислење“ (Фонд "Общественное мнение"), пренесува РИА „Новости“.

Анкетираните, одговарајќи на прашањето за тоа кои постапки и одлуки на претседателот ги издвојуваат најмногу, ги наведоа воената операција во Сирија (8%), заштитата на интересите на земјата на меѓународна сцена (5%), како и помошта за други земји и зајакнувањето на одбранбената способност на земјата.

Граѓаните исто така ги оценија позитивно и напорите за развој на Крим, неговото присоединување со РФ (7%), решавањето на проблемите на граѓаните во текот на „Директната линија“ (5%). Покрај тоа, на Русите им се допаѓа што претседателот многу работи (4%), неговите лични особини предизвикуваат доверба (4%).

Испитаниците најмногу се жалат на проблемите во социјалната сфера во земјата, растот на цените и недоволната, според нивните оценки, контрола над чиновниците.

Согласно анкетата, од моментот кога Путин беше реизбран за претседател на РФ, 38% Руси почнаа подобро да се однесуваат спрема шефот на државата (во споредба со 2000 година), а кај 42% односот остана непроменет. За мнозинството Руси (69%) работењето на рускиот претседател одговара на нивните очекувања, 38% граѓани сметаат дека најсериозните промени кон подобро се случуваат во земјата благодарение на шефот на државата.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња