Вашингтон ја смета Русија одговорна за влошувањето на односите со НАТО

Портпаролот на Белата куќа Џош Ернест изјави дека НАТО не користи провокации, но дека Русија наводно „изврши низа провокативни потези”. Москва од друга страна истакнува дека потезите на НАТО во Источна Европа ги кршат одредбите на Основниот акт Русија-НАТО.  

„НАТО е основа за безбедноста на САД (и сојузниците). Меѓутоа, Алијанса е во суштина одбранбена алијанса. И не користи провокации спрема Русија“, изјави Ернест.

Според неговите зборови, Алијансата сака „соработка со Русија“, пренесува „Взгљад”.

u041du0410u0422u041e u0458u0430 u043fu0440u0435u0434u043bu0430u0433u0430 u0437u0430u0431u043eu0440u0430u0432u0435u043du0430u0442u0430 u0438u0434u0435u0458u0430 u043du0430 u041cu0435u0434u0432u0435u0434u0435u0432

„За жал, Русија направи неколку провокативни потези”, изјави Ернест.

Тој истакна дека тоа се однесува на Украина.

„Украина не е членка на НАТО, но таа се наоѓа до земјите на Алијансата кои се загрижени поради ситуацијата во таа земја“, изјави портпаролот.

Ернест потсети дека САД ги зголемиле за четири пати своите расходи за програмата за помош на европските сојузници во НАТО.

„Убеден сум дека претседателот Обама ќе има можност да разговара за дополнителни мерки кога во јули ќе учествува на самитот на НАТО во Варшава“, изјави тој.

Сите права ги задржува „Росијскаја Газета“.