УАЗ презентираше концепт на нов кросовер

На страницата на Уљановскиот завод за автомобили на Фејсбук се објавени скици за новиот кросовер на УАЗ.  

u041bu0435u0433u0435u043du0434u0430u0440u043du0430u0442u0430 u201eu041fu043eu0431u0435u0434u0430u201c u043fu043eu043bu043du0438 70 u0433u043eu0434u0438u043du0438

Како што беше објавено претходно, УАЗ во иднина планира да произведе нов модел, кој за разлика од сегашните „Патриот“ и „Хантер“, ќе одговара за градски услови. Овој автомобил треба да биде покомпактен од „Патриот“, посовремен, а најважно – поекономичен. Во него ќе бидат реализирани 30% од технолошките решенија кои се разработуваат во рамките на единствената платформа за проектот „Кортеж“.   

Кросоверот на УАЗ ќе ја добие ознаката 3170. Според непотврдени информации, ќе биде со компактни димензии и нов мотор кој ќе биде поефикасен од сегашните мотори од 2,7 л и 2,2 л. Ќе биде понуден 6-степенст механичен менувач. Не е исклучено да добие и напреден систем за безбедност, заснован врз технологијата за помош на возачот VISION ADAS, која сега се тестира во УАЗ. Таа вклучува монокамера и видеоконтролор за препознавање на знаци за забрана и предупредување, обележувања на патот, пречки и пешачки премини.

Производство на кросоверот ќе започне во 2020 година, пренесува „Авторамблер.ру“.

Сите права ги задржува „Росијскаја Газета“.