Медиум: Москва конечно сама ќе ја утврдува цената на својата нафта

Русија се обидува да ги привлече странските трејдери да формираат платформа за тргување со фјучерси врз база на Санктпетербуршката меѓународна стоковно-суровинска берза. Целта е да се зголемат приходите од продажбата на нафтата на рускиот бренд „Уралс“, правејќи го формирањето на цените независно од европската марка „Брент“. Уште една задача на руското раководство е да го напушти одредувањето на цените на нафтата во долари, пишува агенцијата„Блумберг“.

„Целта е да се создаде систем во кој руската нафта би се проценувала, продавала и купувала на праведен и едноставен начин”, изјави Андреј Рибников, директор на Санктпетербуршката меѓународна стоковно-суровинске берза.

u0428u0442u043e u045cu0435 u0441u0442u0430u043du0435 u0441u043e u043du0430u0444u0442u0430u0442u0430 u043fu043e u043du0435u0443u0441u043fu0435u0445u043eu0442 u043eu0434 u0414u043eu0445u0430?

Русија одамна се жали на тоа дека помалку кавалитетната нафта „Уралс“ се продава по цена која е пониска и врзана за цената на нафтата „Брент“.Сопствениот пазар на фјучерси ќе ѝ овозможи на Русија да го унапреди начинот на формирање на цената на нафтата, а на националните компании ќе им даде шанса за дополнителна заработка, објаснува Рибников.

Како што истакнува „Блумберг“, западните играчи се колебаат да учествуваат во проектот поради неколку фактори, меѓу кои е и сомневањето дека руската влада со помош на интервенција во работењето на новата платформа сака да постигне зголемување на цените на енегенсот.

За да ги привлече трејдерите, Банката на Русија подготвува измени во законодавството за давање на странски фирми пристап до берзанските стоки и нивните деривати.

Својата подготвеност да станат маркет-мејкери веќе ја соопштија руските компании ЛУКОИЛ, „Роснефт“ и  „Гаспром-нефт“.

Сите права ги задржува „Росијскаја Газета“.