Русија ја лансираше првата ракета од космодромот „Восточни“

Сите три сателити во текот на првото лансирање на „Сојуз-2.1а“ од космодромот „Восточни“ се изведени во орбитата, соопшти за РИА „Новости“ претставник на корпорацијата „Роскосмос“.

Станува збор за руските вселенски летала „Аист-2Д", научниот сателит на МГУ „Михајло Ломоносов“, како и за наносателитот SamSat-218Д. Подоцна од „Роскосмос“ изјавија дека со секое од нив е воспоставена врска и дека работата се одвива во предвидениот режим.

u041au043eu0441u043cu043eu0434u0440u043eu043cu0438u0442u0435 u043du0430 u0420u0443u0441u0438u0458u0430: u0448u0442u043e u043fu043e u0411u0430u0458u043au043eu043du0443u0440?

На лансирањето на ракетата беше присутен претседателот на РФ Владимир Путин. Коментирајќи ги техничките проблеми со кои се соочија специјалистите, Путин го спореди лансирањето на ракетата со подготовка на пудинг.

„Велат дека за да се потврди квалитетот на пудингот, треба да се изеде, за да се потврди подготвеноста на космодромот за работа, треба да се реализира првото лансирање. Вие тоа го сторивте, ви честитам“, истакна претседателот.

Првиот човек на „Роскосмос“ Игор Комаров го нарече првото лансирање од новиот космодром историски настан.

Лансирањето на ракетата „Сојуз-2.1а“ од космодромот „Восточни“ можете да го погледнете овде.

Сите права ги задржува „Росијскаја Газета“.