Иран ги повика Русија, Индија и Кина на сојуз против НАТО

Министерот за одбрана на Иран Хосеин Дехган предложи развивање на воената соработка меѓу Иран, Индија, Кина и Руската Федерација за спротивставување на ширењето на НАТО на исток, како и на распоредувањето на глобалниот систем за противракетна одбрана.

Шефот на одбранбениот ресор на Иран го изјави ова во рамките на IV Меѓународна конференција за безбедност што се одржува во Москва. Министерот за одбрана на Иран ги повика Русија, Индија и Кина на поактивна соработка и почеток на консултации за наведеното прашање, пренесува „Вести.ру“.

Мошне голем дел од својот настап Дехган го посвети на прашањето за Саудиска Арабија и нејзиното покровителство на различни терористички групи. Притоа шефот на Министерството за одбрана на Иран ја потенцираше опасноста од ширењето на таквите групи во Авганистан, Северен Кавказ, Централна Азија, Индија, Западна Кина и Европа.

Во завршниот дел од својот говор министерот изјави за потребата од активирање на воената соработка меѓу Иран, Русија, Индија и Кина за заедничко спротивставување на ширењето на НАТО на исток, како и на распоредувањето на глобалниот систем за ПРО.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња