Не пропуштајте!
Придружете се на Russia Beyond на Телеграм за повеќе есклузивни содржини
Руската национална театарска награда „Златна маска“ е основана во 1993 година од страна на Унијата на театарските работници (дејци) на Руската Федерација и се доделува за најдобрите остварувања на сезоната во сите жанрови на театарската уметност: драма, oпера, балет, модерен танц, куклен театар, оперета и мјузикл.
Листата на најзначајните остварувања за сезоната 2014/2015 беше објавена на веб-страницата на „Златна маска“. 54 театри беа претставени во 212 номинации.
Сите номинирани претстави се играат на Фестивалот „Златна маска“ во Москва, а кулминација на целиот процес е Свечената церемонија на прогласување на победниците и доделување на наградите која е, воедно, главниот театарски настан на годината.
Главната награда на фестивалот - Наградата за најдобра претстава на годината од голем формат, годинава беше врачена од страна на режисерот Лев Додин, уметнички директор на Мал Драмски театар – Театарот на Европа од Санкт Петерсбург, кој минатата година беше добитник на истата награда.
За најдобра претстава на годината е прогласена претставата „Сонот на летната ноќ“ на македонскиот режисер Иван Поповски, што е истовремено прва „Маска“ на „Работилницата на Фоменко“ по смртта на мајсторот.
„Сонот на летната ноќ“ имаше и две индивидуални номинации: За најдобра режија - Иван Поповски и За најдобра женска улога - Ирина Горбачова. Покрај тоа, претставата учествуваше во проекти Russian case (специјална програма за странските гости на фестивалот) и „Златна маска во кино“ – како единствена претстава од драмската селекција на Фестивалот „Златна маска“ која беше прикажувана во 62 кина во 48 градови низ Русија и тоа во 26 градови во живо (онлајн).
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче
