Конструктор: Русија ги добива првите 100 тенка Т-14 „Армата“ до 2018 година

Вооружените сили на РФ ќе ја добијат првата серија од 100 тенкови Т-14 „Армата“ веќе 2017-2018 година, изјави во програмата на радио-станицата „Ехото на Москва“ заменик-генералниот директор на НПК „Уралвагонзавод“ Вјачеслав Халитов.

Исто така, концернот-производител соопшти за можноста од намалување на цената на новото возило „при добри партии од 100-150 парчиња и договорено производство“. Во моментов официјалната цена на тенкот Т-14 „Армата“ изнесува околу 250 милиони рубли  (околу 3,8 милиони американски долари – заб. на ред.).

u0410u0440u043cu0430u0442u0430: u0436u0438u0432u043eu0442 u043fu043e u041fu0430u0440u0430u0434u0430u0442u0430

Основната варијанта на тенкот Т-14 е планирана да биде со 125-мм орудие. Меѓутоа, според зборовите на експертите за оружје, борбеното возило може да се модернизира со 152-мм топ.

Тенкот Т-14 може да истрела до десет истрели во минута на далечина од седум километри до целта. На пример, брзината на гаѓање на американскиот „Абрамс“ изнесува само три истрели при далечина од 4600 метри.

Исто така, руското возило располага со радарски систем кој му дава предност во системот за нишанење и управување со гаѓањето. Така Т-14 може да погоди летачки апарати и да пресретнува ракети и проектили на евентуален противник.

Вооружување:

А) 1х125-мм топ со мазна цевка - лансер 2А82-1М. Борбен комплет од 40 полнења (од кои 32 во автоматот за полнење);

Б) 1х7,62-мм митралез ПКТМ во далечински управуваниот уред. Борбен комплет од 2000 куршуми во непрекината лента

Борбена маса: до 55 тони

Екипаж: 3 луѓе

Моќ: 1500 КС

Брзина на пат: до 80 км/ч

Откривање на цел: над 5000 метри

Погодување на цел: 7000 метри

Поминато растојание со еден резервоар: над 500 км.

Отпорност на оклопот:  над 900 мм.

Сите права ги задржува „Росијскаја Газета“.