При пожар на руски танкер во Каспиското море загина едно лице

23 април 2016

Руска реч на македонски

Руски танкер се запали во Каспиското море, еден член на екипажот загина, останатите се евакуирани.

Според првичните информации, еден член на екипажот на рускиот танкер што се запали во Каспиското море загина, изјави за РИА „Новости“ извор во службите за спасување.

Претходно за пожар на танкерот „PALFLOT 2“ јави Министерството за вонредни состојби на Азербејџан. Се истакнува дека бродот се наоѓа на 110 километри од брегот и на 800 километри од Астрахан.

u041cu0438u043du0438u0441u0442u0435u0440u0441u0442u0432u043eu0442u043e u0437u0430 u0432u043eu043du0440u0435u0434u043du0438 u0441u043eu0441u0442u043eu0458u0431u0438 u0438u043c u0434u043eu0434u0435u043bu0438 u043du0430u0433u0440u0430u0434u0438 u043du0430 u0434u0435u0446u0430u0442u0430-u0445u0435u0440u043eu0438

Според прецизираните информации, загинал механичарот на бродот. Сите членови на екипажот се државјани на Русија. Преживеаните се евакуирани.

Изворот соопшти дека гори горниот дел од надградбата на бродот. На бродот нема нафтени продукти. МВС Азербејџан планира да испрати брод и два хеликоптери за гаснење на пожарот.

Претходно Јужниот регионален центар на МВС соопшти дека на бродот имало 18 лица. Исто така, беше наведено дека екипажот го сочинувале државјани на Русија и Казахстан, а загинатиот бил државјанин на Казахстан.

Сите права ги задржува „Росијскаја Газета“.

пожар Накратко