Лавров: Русија е за почитување на трајниот прекин на огнот во Карабах

Москва се залага за стриктно почитување на договорот за неограничен прекин на огнот во Нагорно Карабах, изјави министерот за надворешни работи на Русија Сергеј Лавров на почетокот на разговорите со неговиот ерменски колега Едвард Налбандијан.

„Ние сфаќаме во каква фаза сега е регулирањето на конфликтот во Нагорно Карабах“, изјави Лавров, пренесува „Взгљад”. „Вложивме напор – лично претседателот Владимир Путин – насилството да биде прекинато“.

u0417u043eu0448u0442u043e u041du0430u0433u043eu0440u043du043e u041au0430u0440u0430u0431u0430u0445 u0435 u043eu043fu0430u0441u043du043e u0437u0430 u0420u0443u0441u0438u0458u0430?

„Денес е најважно принципиелно стриктно да се почитува договорот за прекин на огнот и да не се дозволат нови кршења на договорот од 1994 и 1995 година во кои е забележан и утврден режимот на неограничен прекин на огнот”, истакна министерот.

Според зборовите на Лавров, неопходно е да се доведе до крај договорот преку ОБСЕ за мерките на доверба, за намалувањето на затегнатоста и за снајперистите.

„Што се однесува до политичкото регулирање на ситуацијата, ние сме подготвени да сториме сѐ што е во наша моќ“, изјави тој. „Треба да се стори сѐ што е можно за да се спречат насилството и инцидентите“.

Сите права ги задржува „Росијскаја Газета“.