Захарова со коментар на изјавата за „Бангладеш со атомско оружје“

Портпаролот на МНР Марија Захарова ги коментираше зборовите кои ѝ се припишуваат на поранешната државна секретарка на САД Медлин Олбрајт за Русија како за „Бангладеш со атомско оружје“.

„Значи, кога државниот секретар на САД Медлин Олбрајт ја зборуваше вистината“, напиша таа на својот „Фејсбук“ и наведува две изјави: на 19 април 2016 година, кога, како што пишува Захарова, рекла дека „Русија всушност е само Бангладеш со атомско оружје“ и зборовите, кажани на 2 октомври 1998 година:

„Убедена сум дека, дури апелирајќи до Русија да постапи правилно, ние не треба да се однесуваме со неа на начин небаре таа се наоѓа под старателство на меѓународната заедница. Русија е премногу голема и горда за тоа. Ние би сакале руската влада се придржува до определен политички курс, но тој курс треба да биде изработен по демократски пат, а рускиот народ треба да го поддржува тој курс и да го разбира. Во спротивен случај, таквата политика нема да биде закитена со успех“, ги цитира Захарова зборовите на Олбрајт.

„Тие никако не можат да разберат дека, вклучително и благодарение на американскиот прогрес, информативниот свет стана поинаков. Веќе не треба да се чека со децении за да се отворат архивите, да се тргнат печатите и да се објават стенограмите. Неколку клика и вие сте на целта. Немојте да бидете мрзеливи, не дозволувајте да ве мамат, барајте, читајте, споредувајте, анализирајте. Единствено така“, додаде Захарова.

Медиумите истакнуваат дека Олбрајт не тврдела дека Рсија е „Бангладеш со нуклеарен арсенал“. Во интервју за германскиот „Ди Пресе“ таа изјави: „Никогаш нема да заборавам кога еднаш во 90-те (во текот на посетата на Олбрајт на Русија) еден човек ми рече: „Ние бевме суперсила, а сега сме Бангладеш со ракети“. Путин ја искористи таа ситуација и ја објави својата намера да ѝ ја врати на земјата минатата грандиозност“, пишува „Взгљад“.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња