МО РФ: НАТО потона во апсурд

Заменик-министерот за одбрана на Русија Анатолиј Антонов ги коментираше обвинувањата на НАТО на адреса на Москва, нарекувајќи ги „информативна војна“.

„Така раководството на НАТО буквално потона во апсурд во својата фразеологија: денеска велат дека Русија се наоѓа „на прагот на НАТО“: дека ние сме се доближиле до НАТО, а не НАТО до нас“, изјави Антонов во интервју за телевизијата РТ.

Тој исто така изрази жалење дека сето добро што било со толкав труд сработено со земјите од НАТО во воената област, вклучително и во контекст на борбата со тероризмот „беше отфрлено денеска и заборавено многу едноставно“.

u0421u0410u0414 u0433u043e u0437u0430u0441u0438u043bu0443u0432u0430u0430u0442 u0441u0438u0441u0442u0435u043cu043eu0442 u0437u0430 u041fu0412u041e u0432u043e u0415u0432u0440u043eu043fu0430

„Одвреме-навреме, читајќи ги изјавите на раководството на Северноатлантската алијанса, ми се чини дека спрема нас повторно се обидуваат да ја искористат претходната шема на разговор на постар со помлад. Дури ми текнува на ваква споредба: небаре несовесен ученик на училиште го повикуваат да излезе пред табла и го испрашуваат и го караат за неисполнети задачи“, истакна Антонов.

Притоа заменик-министерот укажа дека иницијатор на конфронтацијата не е Москва – зголемувањето на воениот потенцијал се одвива на западните граници на Русија.

„Сакам да кажам дека сите го гледаме тоа, го забележуваме и преземаме соодветни воено-технички мерки. Но би сакал да потенцирам – ние се залагаме против трка во вооружување, колку и да сака некој да ни ја наметне“, објасни Антонов, додавајќи дека Русија не е противник на нормализацијата на односите со земјите на НАТО и европските држави во воената сфера, пренесува РИА „Новости“.

Сите права ги задржува „Росијскаја Газета“.