Нема договор во Доха за замрзнување на производството на нафта

Состанокот на земјите-производители на нафта во Доха за замрзнување на производството на нафта заврши без договор, соопшти агенцијата „Ројтерс“.

u0423u0448u0442u0435 u043au043eu043bu043au0443 u043du0430u0444u0442u0430 u0438u043cu0430 u0432u043e u0420u0443u0441u0438u0458u0430?

Постојаниот претставник на Русија во ОПЕК Владимир Воронков соопшти дека преговорите меѓу РФ и ОПЕК веројатно можат да продолжат. Тој прецизираше дека е потребно време за разгледување на позициите на Саудиска Арабија и Иран.

Од своја страна министерот за нафта и енергетика на Катар Мухамед ас-Сада по завршувањето на средбата изјави дека на земјите-учеснички на средбата во Доха им е потребно време за дополнителни консултации.

Тој исто така додаде дека преговорите за замрзнување на производството на нафта ќе продолжат. Притоа ас-Сада потенцираше дека вклучувањето на сите членки на ОПЕК во преговарачкиот процес ќе помогне да се дојде до решение.

На состанокот учествуваа седумнаесет земји, меѓу нив и земји кои не се дел од ОПЕК – Русија, Азербејџан, Мексико, Казахстан и Оман, пишува РИА „Новости“.

Сите права ги задржува „Росијскаја Газета“.