МО РФ: Американскиот извидувачки авион леташе кон руската граница

Американскиот извидувачки авион RC-135 над Балтичкото море се движел кон руската државна граница, но го сменил курсот откако бил забележан од руски Су-27, изјави портпаролот на Министерството за одбрана на Русија генерал-мајор Игор Конашенков.

„Информацијата на странските медиуми за наводното опасно приближување на руски авион Су-27 до американски извидувачки авион RC-135 на 14 април над Балтичкото море не одговара на реалноста“, изјави Конашенков, пренесува „Взгљад”.

Според неговите зборови, дежурните сили за противвоздушна одбрана над Балтичкото море откриле непозната воздушна цел која со голема брзина се движела кон руската граница.

„Со цел идентификација на објектот полета еден ловец Су-27 од составот на дежурните сили на авијацијата на Балтичката флота кој, откако пролета околу објектот, утврди дека се работи за извидувачки авион RC-135U на американското воено воздухопловство“, истакна тој.

По визуелниот контакт со рускиот авион Су-27 американскиот извидувачи авион RC-135U го променил курсот оддалечувајќи се од руската граница, објасни портпаролот на МО РФ.

Конашенков истакна дека летот на рускиот Су-27 е реализиран во целосна согласност со меѓународните правила.

u0420u0443u0441u0438u0458u0430 u0435 u0432u0442u043eu0440u0430 u0432u043eu0435u043du0430 u0441u0438u043bu0430 u043du0430 u0441u0432u0435u0442u043eu0442 u043fu043e u0421u0410u0414

Сите права ги задржува „Росијскаја Газета“.