Проектот „Руски филм“ ќе се реализира во 248 земји во светот

13 април 2016

Руска реч на македонски

Апликацијата „Руски филм“ (Русское кино) која ги содржи најдобрите филмови од руска и советска продукција, серии и анимирани филмови, е достапна во 248 земји.

Апликацијата „Руски филм“ (Русское кино) која ги содржи најдобрите филмови од руска и советска продукција, серии и анимирани филмови, е пуштена во работа во 248 земји. Ова го соопшти генералниот директор на онлајн-киното Tvzavr.ru Марина Суригина, пренесува ТАСС.

„Го објавуваме почетокот на новиот проект „Руски филм“. На 12 април тој стартува ексклузивно на платформата LG Smart TV во 248 земји“, изјави таа. Според нејзините зборови, при крајот на мај се планира пуштање во работа на апликацијата на други уреди, како и создавање на сајт.

2 u043du0435u0434u0435u043bu0438 u0440u0443u0441u043au0438 u0444u0438u043bu043c u0441u043e u0442u0438u0442u043b u2013 u0431u0435u0441u043fu043bu0430u0442u043du043e u0438 u043eu043du043bu0430u0458u043d

Апликацијата се состои од четири дела: филмови, серии, анимирани филмови и советска кинематографија.

„До крајот на мај во целост ќе биде подготвена двојазична апликација - на англиски и на руски јазик“, прецизираше Суригина.

Таа соопшти дека „меѓународната презентација на проектот ќе се одржи на Канскиот фестивал во мај 2016 година“, а „приоритетни земји за промовирање на апликацијата се САД, Израел, Германија, земјите од Источна Европа“.

Сите права ги задржува „Росијскаја Газета“.

култура руски филм Накратко