Руски пилоти воспоставија нов рекорд во летање без запирање на МиГ-31

Пилотите прелетаа речиси 8000 км од Краснојарскиот крај до Астраханската област.

Руски пилоти го реализираа најдолгиот лет без запирање во текот на целата 36-годишна историја на надзвучните ловци-пресретнувачи МиГ-31 – седум часови и четири минути.

За тоа време пилотите прелетаа речиси 8000 километри меѓу воените аеродроми во Краснојарскиот крај и Астраханската област и имаа три полнења на гориво во воздух.

„Танкерите Ил-78 (…) се приближуваа на растојание од десет метри и се „прилепуваа“ со конусот-сензор“, раскажа во интервју за медиумите по летот капетанот на авионот Владимир Суржик.

Растојанието меѓу Краснојарскиот крај и Астраханската област е околу 4000 км, но МиГ-31 не секогаш летаа по права линија. „По првото полнење на гориво над Пермскиот крај направивме мало свртување по Уралскиот гребен во правец на Челјабинск и се вратија за второ полнење над Перм“, објасни Суржик.

Летот е направен во рамките на воените вежби на руската авијација и противвоздушната одбрана на Централниот воен округ.

Надзвучните ловци МиГ-31БМ претставуваат модернизирани МиГ-31 за единиците на Военото воздухопловство на Руската Федерација. Новите борбени летала се опремени со најнов систем за управување со оружјето и радар.

Авионот е способен да распознава цели на растојание од 320 километри и да ги неутрализира на растојание од 280 километри. Бројот на воздушни цели за неутрализација е шест, а за придружба - десет.

Подобрувањата на наведената верзија на надзвучните ловци овозможија да се зголемат борбените можности на леталото за 2,6 пати. Благодарение на овие показатели, највисокото воено-политичко раководство на Руската Федерација донесе одлука до 2020 година да модернизира 60 „конзервирани“ МиГ-31 во МиГ-31БМ во рамките на програмата за обнова на вооружувањето на армијата.

 

 

 

 

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња