Постапките на пилотите причина за падот на Боингот 737 кај Ростов на Дон

Противречните постапки на пилотите на Боингот 737 на компанијата „ФлајДубаи“ на двете кормила довеле до „прекин“ во управувањето и рушење на авионот на 19 март кај Ростов на Дон.

„Истовремено со тргање на кормилото „од себе“ од страна на екипажот, стабилизаторот на авионот бил оттргнат за 5 степени за пикирање, по што авионот преминал во енергично снижување со реализација на вертикална преоптовареност“, се вели во соопштението на Меѓународниот авијациски комитет (МАК).

На висина од 220 метри екипажот донел одлука да направи дополнителен круг и се префрлил од автоматски режим на управување на рачно управување. Тој момент настанала ситуацијата која довела до трагедијата.

u0415u0434u0435u043d u0434u0435u043d u043fu043e u0442u0440u0430u0433u0435u0434u0438u0458u0430 u0432u043e u0420u043eu0441u0442u043eu0432 u043du0430 u0414u043eu043d

Според истрагата на МАК, времето во околината на аеродромот во Ростов на Дон во текот на слетувањето одговарало на информациите на пилотите – тие биле претходно известени за сложените временски услови уште во текот на полетувањето.

Експертите на МАК потенцираат дека „пилотите на воздухопловот имале важечки свидетелства за пилоти, ја поминале неопходната обука, имале доволно „летови“ со наведениот тип на авион и ги имале сите потребни документи“.

Стручњаците ја продолжуваат работата над утврдувањето на деталната слика на летот и разговорите на екипажот.

Сите права ги задржува „Росијскаја Газета“.