С-500 добива нов систем за радиоврска

Најновиот ракетен систем со долг дострел С-500 ќе добие апсолутно нови системи за радиоврска на кои им нема еднакви по квалитет и опсег на пренесување на податоците, како и нечујност, соопштија дизајнерите.

„Во моментов корпорацијата врши разработка на средства од идната, шеста генерација за комплетирање на различни видови воена техника, вклучително и на ракетните системи, како на оние кои веќе се во состав на вооружувањето, така и на оние перспективните“, соопшти за „Газета.ру“ претставник на Одбранбено-индустрискиот комплекс (ОПК) , истакнувајќи дека ЗРК С-500 е еден од таквите системи.

Претставникот на ОПК објасни: радиостаниците од претходната генерација работеа на претходно утврдени фреквенции, што ја зголемуваше веројатноста за следење и пресретнување на пренесуваната информација, а кај перспективните системи такви ситуации се невозможни.

„Апаратурата ќе поседува принципиелно нови можности и суштински ќе ги зголеми квалитетот, опсегот, сигурноста и тајноста на врската. Создавањето на техника за врска од шеста генерација е прашање за следните две години“, прецизираше претставникот на  ОПК.

Експертот во областа на средствата за противвоздушна и противракетна одбрана Михаил Ходаренок објасни за „Газета.ру“: основните барања за средствата и системите за врска на ПВО системите се тајноста и сигурноста од пресретнување.

 „Тајноста, за да се скрие што зборуваат луѓето, што се пренесува, каква размена на информации е во тек, а сигурност од пресретнување е за да може врската да работи при секакви услови и влијанија на противникот“, вели експертот. „Никакви пречки, создавани од противникот во дијапазонот на предавање на телекодирана информација, воопшто не смеат да се одразуваат на работоспособноста на средствата на системот, затоа што командното место е на едно место, дивизионот е на друго, лансирната рампа на трето, а потребно е да се предаде информација. Има антени кои се креваат и овозможуваат реализација на врската“, појасни Ходаренок.

С-500  е универзален систем со долг дострел и висинско пресретнување со зголемен потенцијал на противракетна одбрана. Системот значително ќе го надминува денешниот современ руски ЗРК „Триумф“ С-400, кој се покажа во текот на операцијата на Воздушно-космичките сили во Сирија, покривајќи ја целата територија на земјата (радиусот на дејство е 400 км), на тој на чин претворајќи ја во зона без летови. С-500 ќе може да открива и истовремено да неутрализира до десет балистички надзвучни цели кои летаат со брзина до 7 км/с, и да неутрализира боеви глави на хиперзвучни ракети.  

u0420u0443u0441u0438u0458u0430 u0433u043e u0437u0430u0458u0430u043au043du0443u0432u0430 u0441u0432u043eu0458u043eu0442 u0448u0442u0438u0442

Сите права ги задржува „Росијскаја Газета“.