„Гаспром“: Испораката на гас во Велика Британија зголемена за 240%

 „Гаспром“ во првото тримесечие годинава ја зголеми испораката на гас во Велика Британија за 240% во споредба со истиот период минатата година. Ова го изјави  генералниот директор на руски „Гаспром“ Алексеј Милер зa „Рамблер Њуз Сервис“.

u0413u0430u0441u043fu0440u043eu043c u0441u0435 u0441u043eu043eu0447u0443u0432u0430 u0441u043e u043du043eu0432u0438 u043fu0440u0435u0434u0438u0437u0432u0438u0446u0438 u0432u043e u0415u0432u0440u043eu043fu0430

Во купувањето на гас во текот на првиот квартал од 2016 година предничат земјите кои со години се нето-извозници на гас во Европа. Врз основа на прелиминарните податоци, испораката на гас во Велика Британија е зголемена за 242,6% (за 3,9 милијарди кубни метри), а во Холандија за 122,7% (за 579 милиони кубни метри), изјави Милер.

„Рамблер Њуз Сервис“ пишува дека од 1 јануари до 15 март годинава рускиот концерн го зголемил извозот во странство за 33,5% до 36,5 милијарди кубни метри.

Во средината на јануари оваа година претседателот на бордот на директори на холдингот Виктор Зубков соопшти дека во текот на последните три години „Гаспром“ во Европа испорачал 67,5 милијарди кубици, или една третина од европската потрошувачка на гас.  

„Гаспром“ минатата година ја зголеми испораката на гас во странство за 8% во однос на претходната година, на 159,4 милијарди кубни метри (извозот во Германија е зголемен за 17%, во Италија за 12,6%, во Франција речиси за 37%, во Велика Британија за 10%).

Сите права ги задржува „Росијскаја Газета“.