Филмот „Мили Ханс, драги Петар“ најдобар руски филм на годината

Наградата „Ника“ во категоријата „најдобар филм на годината“ ја доби филмот „Мили Ханс, драги Петар“ на режисерот Александар Миндадзе.

За најдобар режисер беше прогласен Станислав Говорухин за филмот „Крај на една прекрасна епоха“, додека за најдобар сценарист е прогласен Александср Миндадзе за „Мили Ханс, драги Петар“.

5 u0444u0438u043bu043cu0430 u043du0430 u0420u0458u0430u0437u0430u043du043eu0432 u0448u0442u043e u0433u0438 u0437u043du0430u0435 u0441u0435u043au043eu0458 u0420u0443u0441u0438u043d

Најдобра актерка е Ирина Купченко („Учителка“ на Алексеј Петрухин), а најдобра игра за женска споредна улога прикажа Ина Чурикова во филмот „Земјата Оз“. Најдобар во машка споредна улога е Михаил Ефремов („За љубов“ на Ана Меликјан). Наградата за најдобра машка улога отиде во рацете на двајца актери – кај Данила Козловски за „Духлесс-2“ и кај Александар Јаценко за „Инсајт“.

Во номинацијата „најдобар филм од земјите на ЗНД и Балтикот“ победи филмот „Небесен номадски логор“ на киргискиот режисер Мирлан Абдикаликов.

За „најдобар анимиран филм“ е прогласен „Волкот Васја“ на Екатерија Соколова.

Наградата „Ника“ првпат беше врачена во 1988 година. Основач е режисерот Јулиј Гусман. Најпрвин беше доделувана како награда на Сојузот на кинематографи на РФ, а подоцна беше основана и академија која ги бира номинациите и лауреатите. Академијата во моментов брои 621 член и на нејзино чело е режисерот Андреј Кончаловски, пишува „Интерфакс“. 

Сите права ги задржува „Росијскаја Газета“.