Судот ја прогласи Савченко за виновна за смртта на руски новинари

21 март 2016

Руска реч на македонски

Надежда Савченко исто така е прогласена за виновна за незаконско преминување на границата со Русија. Како мотив за нејзиното злосторство во пресудата е наведена омразата спрема сите рускојазични луѓе.

Донецкиот суд на Ростовската областа донесе одлука со која украинскиот војник Надежда Савченко е прогласена за виновна, пренесува РИА „Новости“.

Cудот ја прогласи Савченко виновна за смртта на руските новинари на ВГТРК, како и за нелегално преминување на границата на Руската Федерација.

„Савченко го извршила убиството според претходен договор со група лица со мотив на омраза и непријателство“, ја објави својата одлука судот.

Како мотив за сторените злосторства за Савченко послужила омразата во однос на социјална група жители на Луганската област, како и спрема рускојазичните луѓе во целина, се вели во одлуката.

Вината на обвинетата беше потврдена со сведоштвата на сведоците и доказите, истакна судијата.

Сите права ги задржува „Росијскаја Газета“.

русија и украина Накратко Русија и Украина