Русија им испорача оружје на ирачките Курди

Русија им испорача на ирачките Курди партија од пет противавионски топови ЗУ-23-2 и 20 илјади парчиња муниција за нив, изјави аташето на рускиот генерален конзулат во ирачкиот град Ербил Артјом Григорјан.

„Партијата со оружје пристигна завчера, на 14 март, и беше наменета за вооружените формации на Ирачки Курдистан – Пешмергите. Оружјето беше предадено во присуство на амбасадорот (на Русија во Ирак) и генералниот конзул (на Русија), како и на заменик-началникот на Генералштабот на Пешмергите“, пренесува РТ на руски.

Информациите за испорака на оружје на Курдите беа потврдени во рускиот конзулат.

„Ние испорачавме уште една партија, го потврдуваме тоа. Тоа се случи завчера. Притстигна пратка со оружје за ирачките Курди. Беа испорачани 5 топови 23 мм ЗУ-23-2 и 19 илјади парчиња муниција за нив. Тоа не е прва испорака“, соопшти за РТ советникот во генералниот конзулат на Русија во Ербил Евгениј Аржанцев. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња