Захарова реагира на изјавите на Хамонд

16 март 2016

Руска реч на македонски

Портпаролот на МНР РФ Марија Захарова ја коментираше изјавата на британскиот министер за надворешни работи Филип Хамонд кој бараше да престане воспевањето на РФ поради повлекувањето на воените сили од Сирија затоа што тоа е „исто како да го фалите мажот кој престанал да ја тепа својата жена“.

Портпаролот на МНР РФ Марија Захарова ја коментираше на својот Фејсбук профил изјавата на министерот за надворешни работи на Велика Британија Филип Хамонд за воената операција на Руската Федерација против терористите во Сирија.

„Медиуми: Според зборовите на Хамонд, да се поздравува повлекувањето на руските сили од Сирија е исто што и „фалење на мажот кој престанал да ја тепа својата жена“. „Господин Хамонд, дали е тоа нешто од лично искуство? Или повторно преводот е погрешен?“, пишува Захарова на Фејсбук.

Министерот за надворешни работи на Велика Британија Филип Хамонд рече во британскиот парламент дека „нема намера да го фали Путин за повлекувањето на руските воздухопловни сили од Сирија. Тоа е исто како да го фалите мажот кој престанал да ја тепа својата жена“.

Захарова нагласи и дека информативната кампања на Западот насочена против операциите на ВКС Русија во Сирија доживеала неуспех, пренесува РТ на руски.

Сите права ги задржува „Росијскаја Газета“.

русија и еу конфликт во сирија Накратко