Руски нуркачи поставија светски рекорд за нуркање под мраз

Нуркачите на научно-истражувачката група на Руското географско друштво постави светски рекорд за нуркање под мраз во Белото море, спуштајќи се на длабочина од 102 метри, соопшти прес-службата на одделението на друштвото во Татарстан, пренесува РИА „Новости“.

„Наведениот факт го регистрираше Божана Остојиќ, член на екипата на Жак-Ив Кусто, член на бордот на директори на Светската конфедерација за подводна активност. Достигнувањето рекордна длабочина беше реализирано на 5 март. Групата за нуркање се состоеше од стручњаците за нуркање Максим Астахов и Александар Губин, нив ги обезбедуваа Алексеј Полешчук и Игор Артемјев. Времето за спуштање изнесуваше 80 минути. Температурата на водата – 1,5 степени според Целзиус“, се вели во соопштението.

Како што прецизираат во РГД, експедицијата во Белото море е дел од големиот проект „13 мориња на Русија“ и е клучна етапа во подготовката на експедицијата за Арктикот. Основната задача е испитување на руската подводна опрема на големи длабочини.  

Сите права ги задржува „Росијскаја Газета“.