Руската влада ќе бара од Путин 130 милијарди рубли за борба со кризата

Владата на РФ има намера да побара од Владимир Путин дозвола за користење на средства од „претседателската резерва“, која беше формирана од замрзнатите пензиски заштеди на Русија, изјави министерот за финансии Антон Силуанов, пренесува РИА „Новости“.

Во случај да добијат одобрение, овие пари ќе бидат наменети за реализација на антикризниот план.  

„Вкупно на владата на РФ за антикризниот план ќе ѝ бидат потребни до 250 милијарди  рубли. За финансирање на таа сума, ќе треба да се обратиме до претседателот и да добиеме согласност за трошење на дел од таа резерва – околу 130 милијарди рубли. Ќе се обратиме до претседателот со такво барање“, изјави тој.  

Во буџетот за оваа година се резервирани 342,2 милијарди рубли, заштедени за сметка на продолжувањето на замрзнувањето на пензиските заштеди во 2016 година.

Сите права ги задржува „Росијскаја Газета“.