РФ и САД ќе се договараат каде нема да се водат борби во Сирија

Војските на Русија и САД заедно ќе ги определат на картата териториите каде дејствуваат воените групации и против нив нема да се водат воени дејствија, изјави специјалниот претставник на РФ за Блискиот Исток и Африка, заменик-министер за надворешни работи на Русија Михаил Богданов.

„До пладне на 26 февруари сите завојувани страни во Сирија треба да ни ја потврдат нам и на американските партнери приврзаност кон прекинот на огнот. Руски и американски воени претставници заедно ќе ги определат на картите териториите на кои дејствуваат таквите групации. Против нив Вооружените сили на Сирија, руските ВКС и коалицијата на САД нема да  вршат борбени операции“, изјави тој, зборувајќи во четвртокот на конференцијата: „Блискиот Исток: Од насилство до безбедност“, во рамките на форумот „Валдај“, пренесува РИА „Новости“.

Во понеделникот беше објавена заедничка изјава на САД и РФ за Сирија, според која примирјето меѓу владините сили на Сирија и вооружените опозициски групи треба да настапи на 27 февруари, а кое нема да важи за „Исламската држава“; „Џебхат ан-Нусра“ и другите формации, прогласени од ООН за терористички.  

Сите права ги задржува „Росијскаја Газета“.