Вселенската програма на НАСА сега бара познавање на рускиот јазик

Рускиот јазик ќе стане задолжителен предмет во вселенската програма за обука на НАСА, објави вселенската агенција на својот вебсајт во саботата, додавајќи дека сите кои сакаат да летаат во вселената треба да го научат рускиот јазик.

Повеќе од 18300 лица се пријавиле за класата космонаути на НАСА, речиси трипати повеќе од бројот на пријави примени во 2012 година и рушејќи го рекордот од 8000 пријави во 1978 година, соопшти НАСА, а пренесува агенцијата „Спутник“.

„Воопшто не е изненадување за мене што многу Американци од различна средина сакаат лично да придонесат за обележувањето на патеката на нашето патување на Марс, изјави администраторот на НАСА Чарлс Болден, поранешен командир на спејс шатл.

По пријавувањето во Вселенскиот центар „Џонсон“ во Хјустон кандидатите за космонаути ќе поминат двогодишна почетна обука за системите во вселенските летата, во вештини за излегување во вселената и тимска работа, учење руски јазик и други потребни вештини, додаде тој.

Првенство имаат професионалните пилоти, инженери, научници и лекари. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња