Патријархот Кирил за можно обединување со Ватикан: Ќе биде Божје чудо

Обединувањето на Руската православна црква со Римокатоличката би било чудо Божје кое тешко дека ќе го дочекаме, изјави патријархот московски и на цела Русија Кирил.

Патријархот Московски и на цела Русија Кирил смета дека обединувањето на Руската православна црква со Римокатоличката би било вистинско чудо и дека е тешко да се поверува дека неговата генерација ќе доживее такво нешто. Патријархот го изјави ова на средбата со новинарите по двонеделното патување по земјите на Латинска Америка и посетата на Антарктикот.

„Ако зборуваме за обединување на РПЦ и РКЦ, тоа би било Божје чудо, доколку некогаш го доживееме тоа. Се сомневам дека ќе бидам сведок на тој настан, но можеби некој и ќе го дочека тоа“ рече патријархот Кирил.

Тој нагласи дека црквите не можат да се зближат ниту да се обединат со договор меѓу поглаварите. „Ќе отидам уште подалеку, црквите не  можат да се обединат дури и ако целокупната хиерархија (православната и католичката) се договорат за тоа“, рече патријархот Кирил.

Патријархот апелираше до верниците да не се плашат дека по неговата средба со папата нешто ќе се смени во литургискиот живот. Тој нагласи дека со католичкиот поглавар не се разгледувани теолошките прашање за кои и понатаму остануваат разликите. „Остануваме на оние позиции на кои беа нашите татковци“, рече патријархот, пренесува РИА „Новости“. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња