Саудиска Арабија одби да го намали производството на нафта

Саудиска Арабија „не е подготвена“ да го намали производството на нафта, изјави во интервју за агенцијата „Франс-Прес“ шефот на МНР на кралството Адил ал-Џубеир, пренесува РИА „Новости“.

„Ако останатите производители сакаат да го ограничат или се согласиле да го „замрзнат“, ако зборуваме за дополнителното производство, тоа може да влијае на пазарот. Но Саудиска Арабија не е подготвена да го намали производството“, изјави Ал-Џубеир.

Во вторникот по средбата в Доха, Катар, меѓу министерот за енергетика на РФ Александар Новак и претставниците на Саудиска Арабија, Венецуела и Катар беше постигнат договор за подготвеноста да се задржи производството на нафта на просечно ниво од јануари 2016 година, ако останатите производители се приклучат на таквата инцијатива. 

Сите права ги задржува „Росијскаја Газета“.