Путин и Орбан разговараа во Москва

Претседателот на Русија нагласи дека Унгарија е стар и сигурен пријател и дека односите со неа ќе се развиваат, без оглед на намалената трговска размена и познатите проблеми.

„Би сакал на почетокот на нашиот разговор да кажам дека сме задоволни, без оглед на познатите проблеми и падот на трговската размена, од карактерот на нашите односи и нивниот квалитет“, рече претседателот на РФ Владимир Путин на состанокот со премиерот на Унгарија Виктор Орбан во потесен состав.

Претседателот Путин нагласи дека Унгарија е стар и сигурен партнер на Русија, пренесува РИА „Новости“.

„Очекуваме нашите планови за кои разговаравме пред година дена во текот на мојата посета на Унгарија ќе напредуваат и ќе бидат реализирани“, изјави Путин.

Тој му се заблагодари на премиерот на Унгарија за прифаќањето на поканата и посетата на Москва.

Од друга страна, премиерот на Унгарија Виктор Орбан изјави дека нормализацијата на односите меѓу Москва и Европа им одговара на руско-унгарските односи.

„Сите сме заинтересирани односите меѓу Русија и Европа да бидат нормализирани. Тоа е во интерес на руско-унгарските односи“, рече Орбан. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња