Медведев: Копнена операција во Сирија значи долготрајна војна

Премиерот на Дмитриј Медведев се залага против странска интервенција во Сирија, затоа што смета дека тоа ќе доведе до почеток на „целосна долга војна“ за која никој не е заинтересиран.

Русија не поддржува спроведување на копнена операција во Сирија затоа што учеството на странски копнен контингент ќе доведе до долготрајна војна, изјави премиерот на Русија Дмитриј Медведев во интервју за телевизијата „Евроњуз“.

„Јас веќе одговорив на ова прашање не толку одамна и сакам уште еднаш да повторам. Никој не е заинтересиран за нова војна. А копнена операција е целосна, долга војна. Токму од тоа треба да се поаѓа“, изјави Медведев.

Премиерот истакна дека Москва не го поддржува лично претседателот Асад, туку „пријателските односи со сириската држава“.

„Ние едноставно поаѓаме од тоа дека во моментов нема ниедна друга легитимна власт во Сирија освен Башар Асад“, изјави Медведев. Ако Асад биде исклучен од политичкиот процес во земјата, Сирија ќе потоне во хаос, исто како според сценариото што претходно ја снајде Либија, додаде рускиот премиер.   

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња