Руски пилоти приземјија Боинг во пламен со 355 патници

Капетанот на авионот Константин Парикожа и копилотот Дмитриј Алкеев го приземјија запалениот авион. Благодарение на нив никој од 355 патници и членови на екипажот не е повреден, пишува „Комсомолскаја правда”.

На 10 февруари, 15 минути по полетувањето на Боингот-777, кој од аеродромот Пунта-Кана во Доминиканската Република летал за Москва, на висина од 6 илјади метри му се запалил еден од моторите. Патниците го почувствувале ударот од експлозијата во моторот и го виделе пламенот што избил од левиот мотор. Внатрешноста на авионот се исполнила со чад. Пилотите донеле одлука да го вратат авионот на аеродромот Пунта-Кана.

Екипажот успеал да го изгаси пожарот и да ја смири паниката. Капетанот Константин Парикожа го исклучил неисправниот морот и испратил стјуардеса да ги смири патниците. Копилотот исфрлил дел од горивото за да го олесни авионот.

Во текот на вонредното слетување на аеродромот Пунта-Кана се запалила опремата за слетување. Авионот стигнал до крајот на пистата и пожарникарите го изгаснале пожарот. Патниците се евакуирани со помош на тобоган на надувување.

Сите права ги задржува „Росијскаја Газета“.