Столтенберг: НАТО не сака нова конфронтација со Русија

НАТО „не бара нова конфронтација со Русија и не сака нова студена војна“, изјави во вторникот генералниот секретар на НАТО Јенс Столтенберг на прес-конференцијата пред почетокот на средбата на министрите за одбрани на Алијансата, планирана за 10-11 февруари.

„НАТО не бара нова конфронтација со Русија и не сака нова студена војна, и токму затоа сѐ што правиме е пропорционално и се презема исклучително во одбранбени цели“, изјави тој, пренесува ТАСС.

„Продолжуваме да бидеме насочени кон соработка и конструктивни односи со Русија. Токму затоа ги задржавме отворени каналите за политички дијалог во разни формати и на разни нивоа со Русија“, потенцираше Столтенберг.

Според неговите зборови, зголемувањето на военото присуство на Русија и НАТО на границите ја зголемува неопходноста од „преземање напори за намалување на ризиците, предвидливоста и транспарентноста на воената активност“, заклучи генералниот секретар на Северноатлантската алијанса.

Сите права ги задржува „Росијскаја Газета“.