Путин: Националната идеја во Русија е патриотизмот

Национална идеја во РФ има, тоа е патриотизмот, никаква друга идеја не треба да се смислува, изјави во средата рускиот претседател Владимир Путин, пренесува РИА „Новости“.

„Никаква друга идеја нема да смислиме, а и нема потреба да смислуваме“, изјави Путин на средбата со активот на „Клубот на лидери“ за промоција на бизнис-иницијативи.

„Ние немаме никаква друга, и не може да има друга обединувачка идеја освен патриотизмот“, потенцираше тој.

„Тоа е националната идеја. Таа не е идеологизирана, не е поврзана со дејноста на некоја партија. Тоа е поврзано со заедничкиот обединувачки принцип. Ако сакаме да живееме подобро, треба земјата да биде попривлечна за сите граѓани, поефикасна“, додаде Путин. 

Сите права ги задржува „Росијскаја Газета“.