Фридман: САД нема да дозволат зближување на Русија и Германија

Вашингтон внимателно ги следи односите меѓу Русија и Германија и на секоја начин се труди да го спречи за нив неприфатливиот сојуз меѓу тие две земји, истакнува Џорџ Фридман.

Зајакнувањето на партнерските односи меѓу Русија и Германија може да даде поттик за зајакнување на двете држави, сепак таквиот развој на настаните претставува закана за интересите на САД, истакна основачот на „Стратфор“ Џорџ Фридман во интервју за „Дојче Виртшафтс Нахрихтен“.

Германија денес се наоѓа под огромен притисок и е многу ранлива економски, што значи, нејзе ѝ е потребна активна соработка со други земји. Сепак во изборот на партнери таа е мошне ограничена: на пример, поволното за неа во секаков поглед зближување со Русија ќе предизвика огромно незадоволство од страна на САД, смета Фридман.

Според зборовите на аналитичарот, важна цел на Вашингтон, која Американците имаат намера да ја реализираат и во иднина е да не се дозволи затоплување на односите меѓу двете земји. Притоа, како што истакнува Фридман, „САД не се единствената земја која се стреми да ги спречи зајакнувањето на соработката меѓу Москва и Берлин. Во Европа постојат доволно држави кои се залагаат против таков сојуз, на пример, во редовите на лутите противници влегуваат Полска и Франција“, пренесува РИА „Новости“.
 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња