Путин: Ленин стави под Русија „атомска бомба“

Така шефот на руската држава Владимир Путин ја коментираше изјавата на шефот на Курчатовскиот институт дека Владимир Илич Ленин управувал со текот на мислите во земјата.

Претседателот на РФ Владимир Путин смета дека во времето на Ленин на Русија ѝ била поставена „атомска бомба“. Вака рускиот лидер на седницата на претседателскиот Совет за наука и образование ја коментираше изјавата на шефот на Курчатовскиот институт Михаил Коваљчук.

„Да се управува со текот на мислите, тоа е во ред, но само тие мисли треба да доведат до правилни резултати, а не како во случајот со Владимир Илич. На крајот таа мисла доведе до распад на Советскиот Сојуз, ете до што доведе. Имаше многу слични мисли, за автономија и така натаму. Поставена е „атомска бомба“ под зградата која сега се вика Русија и таа потоа се тргна. И светската револуција не ни беше потребна. Ете такви беа мислите таму“, го цитира Путин „Интерфакс“.

Кога станува збор за Коваљчук тој ја цитираше поемата на Борис Пастернак „возвишена болест“ во која писателот зборува за Ленин.

„И откако го видов на јаве, мислев до бескрај за неговото авторство, за неговото право да биде одважен во прво лице“, го цитираше поетот Коваљчук. „Одговорот е: тој управуваше со текот на мислите и само затоа и со земјата“.

По тој повод Коваљчук предложи во областа на науката да се пронајдат „такви организации, кои треба да управуваат со текот на мислата во одредени правци“, пренесува „Лајфњуз“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња