Кинески амбасадор ги кажа сите предности на Русија на Новиот пат на свилата

Во моментов многу земји покажуваат голем интерес за Економската зона на Новиот пат на свилата, склучени се договори и меморандуми на билатерални и мултилатерални нивоа. Русија, како најголема соседна земја и стратешки партнер на Кина е важен актер на заедничкиот Пат на свилата и притоа има важни предности, рече кинескиот амбасадор во Москва Ли Хуи.

Меѓу причините кои тој ги наведе на прво место е „единствената географска близина“, а кинеско-руската граница во должина од 4300 километри е, „мирна, стабилна и пријателска“ и веќе претставува важна алка во јакнењето на пријателството и соработката меѓу двете земји.   

„Единствената политичка заемна доверба меѓу двете земји“ е вториот важен фактор.

Кинеско-руските односи можат да се наречат како најдобри меѓу билатералните односи на големите земји. Лидерите на нашите држави се состануваат секоја година, постои ефикасен механизам на редовни состаноци на премиерите и разни одбори, а треба да се истакне заедничката изјава за соработка во доменот на Економскиот појас на Патот на свилата и Евроазискиот економски форум, нагласува амбасадорот.

Содржајната практична соработка исто така спаѓа меѓу важните фактори, истакна Хуи и потсети на гасоводот Силата на Сибир и изградбата на автопатот Москва-Казањ, но и на хуманитарната соработка, пренесува „Есперт“. 

Сите права ги задржува „Росијскаја Газета“.