Руски анимиран филм номиниран за „Оскар“

Анимираниот филм „Не можеме да живееме без вселената“ на рускиот режисер Константин Бронзит е номиниран за наградата „Оскар“ во категоријата „Најдобар анимиран краткометражен филм“. Победниците ќе бидат прогласени на 28 февруари.

Во јуни 2015 година овој филм на Бронзит веќе доби Гран-при на меѓународниот фестивал за анимација во Анси, Франција.

„Вселената во мојот филм е само позадина врз која се одвива приказната. Тоа е приказна за двајца другари-космонаути кои имаат фикс-идеја да полетаат во вселената, и на тренинзите прават сѐ што можат за да станат најдобри и да ја добијат својата шанса“, раскажа режисерот во интервју за „Руска реч на македонски“.

Константин Бронзит е еден од најпознатите руски аниматори во светот, автор на филмовите, добитници на многу меѓународни награди – „Switchcraft“, „Die Hard“, „На работ на Земјата“ и други. Во 2009 година неговата „Тоалетна приказна – љубовна приказна“ исто така беше номинирана за „Оскар“ во категоријата „Најдобар анимиран краткометражен филм“.

Сите права ги задржува „Росијскаја Газета“.