МНР РФ му одговори на Ердоган за изјавата за руска „квази-држава“ во Сирија

13 јануари 2016

Руска реч на македонски

Министерството за надворешни работи на Русија одговори на изјавите на претседателот на Турција Реџеп Таип Ердоган дека РФ наводно се обидува да создаде „квази-држава“ во сириска Латакија.

„На 12 јануари претседателот на Турција Реџеп Таип Ердоган во текот на официјален настан изјави дека Русија вложува напори за формирање своја зона (квази-држава?) во состав на сириската провинција Латакија и соседните реони.

Оваа изјава изгледа апсурдно за секој кој внимателно ја следи непроменливоста на руската позиција во однос на суверенитетот и територијалниот интегритет на Сирија. Нивното споменување во официјалните настапи на министерот Сергеј Лавров последниве години ги издвоивме за турската страна со големи букви. Руското раководство ги истакнуваше тие клучни принципи и во различни меѓународно-правни документи за сириското решение (резолуции, одлуки и слично).

Повторуваме специјално за турското раководство: Русија секогаш се залага за зачувување на СУВЕРЕНИТЕТОТ, ЕДИНСТВОТО И ТЕРИТОРИЈАЛНИОТ ИНТЕГРИТЕТ на Сирија“, се вели во соопштението објавено на Фејсбук-профилот на МНР РФ, пренесува РИА „Новости“.

Сите права ги задржува „Росијскаја Газета“.

русија и турција Накратко