МНР РФ го потврди приведувањето на тројца Руси во Турција

Руските дипломати ги потврдија информациите за приведувањето на тројца руски државјани од страна на турските власти во Анталија. Како што соопштуваат турските медиуми, Русите биле приведени во текот на рацијата против борците на екстремистичката група „Исламска држава“ која беше спроведена по ескплозијата во Истанбул на 12 јануари.

Рускиот Генерален конзулат во Анталија ја потврди информацијата за приведувањето на тројца Руси. Според зборовите на генералниот конзул Александар Толстопјатенко, руското дипломатско претставништво се обидува да ги разјасни причините за приведувањето.

Според информациите на турските медиуми, Русите се сомничат за врски со радикалната група „Исламска држава“ и за пружање логистичка поддршка на нејзините борци. Од Русите во текот на претресот биле одземени документи и компакт-дискови.

Како што известуваат медиумите, Русите биле приведени по полициската специјална операција која беше спроведена во неколку турски градови – Коња, Измир и Анталија – по експлозијата што претходно се случи во Истанбул. Неколку десетици лица беа приведени.  

На 12 јануари на плоштадот „Султан Ахмед“ во Истанбул терорист-самоубиец се крена во воздух. 10 лица загинаа, а уште 15 беа повредени. Турските власти изјавија дека терористичкиот напад го извршил припадник на ИД. 

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња