Во Москва се вози велосипед и на шеснаесет степени под нулата

Во Москва денеска беше одржана првата зимска велосипедска парада со цел да се поддржи велосипедската инфраструктура во рускиот главен град. И покрај температурата од шеснаесет степени под нулата, велосипедистите возејќи низ центарот на градот изминаа маршрута долга 14 километри, која подразбираше, меѓу другото, и поминување покрај познатите места како што се Храмот на Христос Спасителот и Кремљ, пренесува „РТ“.

Фотографиите од настанот исполнет со ведар дух и весела атмосфера веќе ги преплавија социјалните мрежи.

Велосипедската парада би требало да покаже дека зимата не претставува никаква пречка за развој на велосипедската култура и да го поддржи создавањето безбедна инфраструктура и поквалитетното чистење на улиците на главниот град, соопшти носителот на проектот Владимир Кумов.

Тој изјави дека и покрај тоа што многумина добро ги подготвија своите велосипеди, Москва може да се помине на обичен велосипед и „со толкаво количество реагенси може цела зима да се помине со летни гуми“. 

Сите права ги задржува „Росијскаја Газета“.