Путин тренираше џудо со руската репрезентација

На интернет се појави видео-снимка од вчерашниот тренинг на рускиот претседател Владимир Путин со џудо-репрезентацијата на РФ во Сочи. Меѓу неговите спаринг партнери беше и спортистката од Самара Ирина Заблудина која доминираше во борбата со претседателот.

По тренингот Путин, кој инаку се занимава уште од детство со оваа боречка вештина, со насмевка на лицето ја коментираше за телевизијата „ЛајфЊуз“ борбата со девојката. „Kолку тврдоглава девојка. Вели: Морам да ве соборам! Ама се закачи!“.

Партнер на претседателот на тренингот беше и селекторот на руската репрезентација во џудо Ецио Гамба, со кого руските спортисти постигнаа невидени резултати, од кои најголем успех е Олимпијадата во Лондон 2012 година, пренесува „Взгљад“.

По тренингот Путин му врачи пасош на Руската Федерација на Гамба, кој претходно имаше поднесено барање за руско државјанство.

Видео-снимката од тренингот ја објави на „Јутјуб“ телевизијата „РТ“. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња