Ердоган одбил заедно со Русија да се бори против ИД

„Му реков на Владимир Путин дека не можам да седам покрај претседател (Асад) чиј легитимитет се доведува во прашање“, изјави турскиот претседател Реџеп Таип Ердоган.

Претседателот на Турција Реџеп Таип Ердоган изјави дека нема да соработува со коалицијата на Русија, Сирија, Иран и Ирак во борбата против „Исламската држава“ сѐ додека на чело на Сирија е Башар Асад.

„Сирија, Иран, Ирак и Русија во Багдад формираа квартет сојузници и побараа Турција да им се приклучи, но јас му реков на Владимир Путин дека не можам да седам покрај претседател (Асад) чик легитимитет се доведува во прашање“, изјави Ердоган, а пренесува РИА „Новости”.

Русија, Сирија, Иран и Ирак кон крајот на септември во Багдад основаа координативен центар за борба против терористичката организација „Исламска држава“.

 

Сите права ги задржува „Росијскаја Газета“.