„Најважната задача на владата е да ја врати економијата на Русија на стабилно темпо на раст. Јас детално зборував за тоа, како што знаете, и во Обраќањето до Федералното собрание, и на нашата средба посветена на практичната реализација на поставените задачи“, рече Путин на состанокот со членовите на владата, пишува „Взгљад“.
Путин изјави дека е потребно да се биде подготвен, затоа што периодот на ниски цени на извезуваните сировини од Русија и надворешните ограничувања може да се одолжи.
„Потребно е самите да постигнеме резултат врз основа на постојната база, тековните компликации треба да послужат како стимул за зголемување на ефективноста на економијата и социјалната сфера“, смета рускиот претседател.
Путин исто така изјави дека владата во сложената ситуација демонстрирала способност за решавање на сложени задачи.
Според неговите зборови, благодарение на антикризниот план, постигнат е успех во одржувањето на реалниот сектор во економијата и во зајакнувањето на довербата спрема банкарскиот систем.
Претходно во вторникот, 22 декември, премиерот на Русија Дмитриј Медведев изјави дека антикризниот план на владата ја исполнил својата задача и овозможил во значителна мера да се неутрализира влијанието на надворешните фактори врз руската економија.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче