Пушков: Режимот во Киев може да опстане само во состојба на војна

Конфликтот во Донбас, состојбата на неминлива криза се во полза на украинските власти, изјави Алексеј Пушков, шеф на Комитетот за меѓународни прашања на Државната дума.

„Конфликтот на истокот на земјата е, од една страна, единствен начин Западот да не го загуби интересот за Украина, а значи и да продолжи да дава финансиска помош која потоа оди за коруптивни цели.

А од друга страна, тоа е можност постојано да му се повторува на народот на Украина дека земјата е во состојба на војна. Затоа оваа криза без промени е само од полза на режимот во Киев“, рече Пушков во интервјуто за весникот „Росијскаја газета“.

Политичарот смета дека Украина преживува благодарение на ММФ кој поради неа ги менува својата политика и правилата.

„А режимот во Киев само по себе во случај на намалување на напнатоста во Донбас ќе се најде во многу тешка ситуација“, изјави Алексеј Пушков. 

Сите права ги задржува „Росијскаја Газета“.